«ҚазАгро» Дүниежүзілік Банктен шамамен 650 млрд теңге несие алуды жоспарлауда

«Агроөнеркәсіп кешеніне инвестициялар тарту жұмысы екі бағыт бойынша жүзеге асырылады.Бірінші – бұл біртұтас қаржы тобын құру есебінен агросекторды қаржыландыру үшін ресурстар тарту. Тарту мүмкіндіктерін кеңейтуге  капиталдандыру өсімі есебінен қол жеткізіледі.  Бюджет қаражатының тапшылығы жағдайында бұл агробизнесті қаржыландыру көлемін төмендетпеуге  ықпал етеді. Дүниежүзілік Банктен 35 жыл мерзімге,  жалпы сомасы 650 млрд теңге  жеңілдетілген қарыз тарту жоспарлануда. Бұл қаражат фермерлерді қолдауға бағытталады», - деді ол.

Болжам бойынша, бұл 2020 жылға дейін бюджет қаражатын тартпай-ақ  агроөнеркәсіп кешенін несиелеудің екі мәрте (есе) өсімін қамтамасыз етеді.

Барлық аталған қаражат агроөнеркәсіп кешенін қаржыландыруға теңгемен берілді.

«Холдингтің инвестициялық қоржынына 529 жоба кіреді, оның  418-і қазірдің өзінде пайдалануға берілген,  соның ішінде ағымдағы жылы - 56 жоба іске қосылды. Осы ретте инвестицияларды қорландыру, Үкімет пен Ұлттық банктің шешімі бойынша 2009 жылы Холдингпен тартылған Ұлттық қордың қаражаты есебінен басымдықпен жүзеге асырылды.  Аталған қордың қазіргі уақытта шектеулі екені бәріңізге мәлім.  Сондықтан,  Елбасы сыртқы капитал нарықтарынан инвестиция тарту  жұмыстарын жандандыру жөнінде міндет қойды», - деді ол.

Ботагөз Айтжанова