Өскеменде жыл басынан бері 185 үй жөндеуден өтті

15 Желтоқсан, 2015 14:47

Облыс орталығының тұрғын үй қоры жаңаруда, ал тұрғындар болса өздерінің үйлерін жаңғыртуда. Сонымен, Өскемендегі тұрғын үйлерді терможаңғырту бағдарламасы аясында жыл басынан бері 185 тұрғын үйге жөндеу жұмыстары жүргізілді, деп хабарлады ШҚО-ның Ақпараттық орталығы.

Бүгінде қалада көппәтерлі 1 662 тұрғын үй және 23 мыңға жуық жеке сектордың үйлері бар. Барлық үйлер жылумен қамтылған. Басқару органдары кондаминимум нысандарымен жұмыс істеуде.

Облыс орталығындағы тұрғын үйлерді терможаңғырту бағдарламасы аясында жыл басынан бері 185 тұрғын үйге жөндеу жұмыстары жүргізілді. 2016 жылға 100 млн теңгеге 5 тұрғын үйге жөндеу жүргізу жоспарланған.

Бұдан басқа, қалада бірқатар көшелер мен үлкен даңғылдарды жөндеу бойынша жобалық-сметалық құжатнама әзірленуде. Сонымен қатар көшені жарықтардыру жүйесін қайта құру жоспарланған.

«Өскеменде «Нұрлы жол» бағдарламасы аясында қаладағы бірқатар көшелердің жылу жүйесі жаңғыртылуда. Жоспарланған 716 м жылутрассасының 220 м қалпына келтірілді, қалған жұмыстар 2016 жылы өз жалғасын табатын болады», - делінген хабарламада.

Барлық жаңалықтар