Маңғыстау облысында жаңа теннис орталығы ашылды
15 Желтоқсан, 2015 20:43
Ақтауда жаңа теннис орталығы ашылды, оның негізінде Маңғыстау облысының теннис бойынша балалар-жасөспірімдер мектебі құрылды, деп хабарлады Маңғыстау облысының әкімдігі.
Айта өтейік, мұнда балалар мен мектеп оқушылары тегін тенниспен және үстел теннисімен айналысады. Ал, кешкі уақытта теннис корттары облыс орталығының тұрғындары үшін жаппай спортпен айналысуға беріледі.
Жаңа теннис орталығында 5 корт бар, оның екеуінің үсті жабылған, оның ішінде біреуінде жарыс өткізуге болады онда 500 орындық трибуна бар. Ал, екіншісі жаттығу өткізуге арналған. Сонымен қатар ашық үш корттың біреуінде де жарыс өткізуге болады, онда да 500 орындық көрермен трибунасы қарастырылған. Орталықтың аумағында 40 адамға есептелген асхана, жаттығу залы, медициналық пункт, киім ауыстыратын орын, жаттықтырушылардың кабинеті мен өзгеде нысандар бар.
