Астанада «Қазіргі заманғы әлемдегі ядролық қауіпсіздік. Ядролық қарусыздану және таратпау үдерістерінде парламентарийлердің рөлі» тақырыбындағы халықаралық конференцияға дайындық жайы талқыланды

Айта кетейік, қараша айының 29-жұлдызында Санкт – Петерборда (Ресей) «Қазіргі заманғы әлемдегі ядролық қауіпсіздік. Ядролық қарусыздану және таратпау үдерістерінде парламентарийлердің рөлі»  тақырыбында халықаралық конференция өтеді.  Оған ұйтқы болған Қазақстан Парламенті Мәжілісі мен ТМД қатысушы – мемлекеттер парламентаралық Ассамблеясы.

Конференция бағдарламасында ғаламдық қауіпсіздік, ядролық қарудың заңсыз айналымына және өндірісіне жол бермеу, ядролық материалдарға сенімді бақылауды қамтамасыз ету, таратпау, басқа да іс-әрекеттерде парламентарийлердің үлесі сынды басқа да тақырыптарды қамту көзделіп отыр.

«Ұйымдастыру комитеті мүшелеріне сөзін арнаған Нұрлан Нығматулин: «Бұл конференцияның біз үшін маңыздылығы өте зор. Себебі, халықаралық парламентшілердің ерекше назарында  тағы да Елбасымыз Нұрсұлтан Әбішұлы Назарбаевтың ядролық қауіпсіздік жолындағы әлемдік бастамалары  болады», - деп хабарламада нақтыланған.  

Жиналғандар  бұл шараның ядролық қауіпті жою және ядросыз әлем құру жолында  күш біріктіруде жаңа қадамдар жасауға зор үлес қосатынына сенімді.