Қостанайда әуесқой автомобильшілерге арналған мамандандырылған ХҚКО ашылды
15 Желтоқсан, 2015 10:57
Қостанайда автомобильшілерге арналған мамандандырылған халыққа қызмет көрсету орталығы ашылды. Автокөліктерді тіркеу және қайта тіркеу бойынша мемлекеттік қызмет пен көлік құжатнамасын қостанайлықтар осы жерден ала алады.
Баспасөз қызметі хабарлағандай, Арнайы ХҚКО-ның жалпы алаңы 4 га жерді құрайды, аймақта автокөлікті салыстыруға арналған жеңіл ангар орналасқан. Онда бірден 5 автокөлікті қарауға болады. Емтихан тапсыратын алаң 1,2 га құрайды.
«ХҚКО» МРМ бас директорының орынбасары Шоқан Әбділманов атап өткендей, енді құжатты алу көп дегенде екі сағатты құрайды. Қостанайдың арнайы ХҚКО-сы 1500 шаршы метрді құрайтын автоматтандырылған жеке мотодромы бар алғашқы нысан.
ХҚКО-ның әкімшілік мекемесінде салық төлемдері мен әкімшілік айыппұлдарға тексеру жүргізіледі.
