«Болашақ» стипендиясында басым мамандықтардың тізімі өзгертілді

«Бұл отырыста бірнеше мәселе қаралды. Біріншіден, комиссияның берген тапсырмалары бойынша қандай істер атқарылғандығы жайында Білім және ғылым министрі баяндама жасады. Соның ішінде келесі жылдың 1 қаңтарынан бастап «Болашақ» ережелеріне бірнеше өзгеріс енгізіледі. Инженерлік-техникалық мамандарға жаңа магистратура ашылады және «Болашаққа» түсу талаптары күшейтіледі. «Болашақ» арқылы оқитын мамандықтардың тізімі қабылданған. Бұл тізімде ең басты көңіл  техникалық мамандықтарға берілген», - деді Ғ.Нығметов.

Еске салсақ, комиссияның шешімімен 375 үміткерге «Болашақ» стипендиясы тағайындалды. Бұл дегеніңіз, осы жылдың соңына дейін барлық конкурстық кезеңдер өтті деген сөз. Төртіншіден, келесі жылға комиссияның шешімімен 700 стипендия бөлінді. Бұл осы жылмен салыстырғанда 100 стипендияға көп

Айта кетейік, Ақордада Мемлекеттік хатшы Гүлшара Әбдіқалықованың төрағалығымен «Болашақ» стипендиаттарына арналған талаптың өзгеруі талқыланды.Отырыс қорытындысы бойынша «Болашақ» стипендиаттарының талабы өзгертілді, сондай-ақ, басым мамандықтар тізімі де өзгеріске ұшырады.