ШҚО-ның ШОБ-ы жалпы өңірлік өнімнің 15% жасақтайды

Шығыс Қазақстан облысында шағын және орта бизнес жалпы өңірлік өнімнің 15%-ын, облыстың бюджеттік түсімдерінің 49%-ын жасақтайды. Жалпы, жұмыс істейтін ШОБ субъектілері 105,5 мың дананы құрады.

Ведомсвто мәліметі бойынша  ағымдағы жылы шағын және орта бизнесте жұмыспен қамтылғандар саны 4%-ға, ал өндіріс көлемі 2%-ға артты.

Сонымен қатар кәсіпкрлерге «Бизнестің жол картасы-2020» бағдарламасы аясында көмек көрсетіліп келетіні хабарланды. 

«Бағдарламаны жүзеге асыру басталғалы мемлекеттік қолдау шараларымен 17 мыңнан астам кәсіпкер қамтылды. Бұл ШОБ-та жұмыспен қамтылғандардың 7%-дан астам бөлігі. Сонымен қатар 6 мыңнан астам жаңа жұмыс орны ашылса, 19 мыңнан астам жұмыс орны сақталып қалды. Сондай-ақ 3,5 млрд теңгеге 27 жоба жүзеге асырылды»,- делінген хабарламада. 

Сонымен, ағымдағы жылы бағдарлама бойынша 3,1 млрд теңге бөлінді.  Қайта өңдеу саласындағы ШОБ субъектілеріне қолдау көрсету мақсатында Ұлттық қордан 9,7 млрд теңге бөлініп, 109 жоба қаржыландырылды.

Ботагөз Айтжанова