«Бәйтерек» холдингі қытайлық Жібек Жолы Қорынан 2 млн долларға дейін инвестиция тарту туралы келісті

14 Желтоқсан, 2015 17:36

ҚР Премьер-Министрінің ҚХР Бейжіңге ресми сапары барысында «Бәйтерек» ұлттық басқарушы холдингі» мен Жібек Жолы Қоры арасындағы ынтымақтастық туралы меморандумға қол қойылды, деп хабарлады холдинг.

Құжатқа «Бәйтерек» холдингі басқармасының төрағасы Қуандық Бишімбаев пен Жібек Жолы Қорының президенті Ванг Янзы қол қойды.

«Меморандум ұйымдардың ынтымақтастығын және Қазақстанның басым индустриялық жобаларына сомасы 2 млрд долларға дейін қытайлық инвестицияны тартуды көздейді», - делінген ұлттық холдинг хабарламасында.

Меморандумға сондай-ақ «Нұрлы жол» қазақстандық бағдарламамен «Жібек жолы экономикалық белдеуі» қытайлық бастаманы үйлестіру мақсатында және Қазақстандық-Қытайлық индустриалдық жобаларға инвестиция саласындағы екі елдің бірлесіп өркендеуіне жәрдемдесу үшін қол қойылғанын атап өткен жөн.

Қол қойылған құжат аясында өнеркәсіптік және инновациялық даму, ақпараттық технология және Қазақстан үшін басым болып табылатын басқа да салалар саласындағы ынтымақтастық жоспарлануда.

Сондай-ақ,, құжат бойынша жеке акционерлік капиталға және инфрақұрылымдық қорларға қатысу және (немесе) инвестициялау арқылы жаңа инвестициялық мүмкіндіктер қарастырылған.

Бұдан бұрын хабарланғандай, ірі жобаларды қолдау үшін 2015 жылы «Бәйтерек» холдингі халықаралық қаржы ұйымдарынан және Қытай банктерінен 6,75 млрд доллар және 120 млн еуро сомасында шетел инвестицияларын тартты. ШОБ қолдау үшін 369, 8 млн доллар және 150 млн еуроға халықаралық қаржы институттарынан инвестиция тарту туралы келісімге қол жеткізілді.

Барлық жаңалықтар