ШҚО-да 2018 жылы қуаттылығы жылына 180 мың тонна көлік болатын автомобиль зауыты іске қосылады

 «Автомобиль жасауға келсек, біз алдымен нарықтарды кеңейту мәселесін қолға алуымыз қажет. Бүгінде көлік шығарушылар Ресейдің алты өңірінде жұмыс істеуде. «Алдағы жыл біз үшін маңызды болмақ, яғни үш нарықты игеруіміз қарастырылып отыр. Бұл бағытта бірінші кезекте ЕАЭО тұр. Сонымен қатар біз Әзербайжан, Грузия, Армения және Моңғолия нарықтарында жұмыс істеуге тырысатын боламыз», - деді әкім.

Оның айтуынша,  Шығыс Қазақстанда 2018 жылы «АЗИЯ АВТО Казақстан» АҚ қуаттылығы жылына 120 мың автомобиль шығаратын толық циклді автомобиль зауыты және автобөлшектер шығаратын технопарктің бірінші кезеңі іске қосылмақ.

Атап айтқанда, жеңіл автомобильдер шығару көлемінің 80%-ға жуығы ШҚО-да шоғырланған. ШҚО-да машинажасау өнімінің 89,3 млрд. теңгесі немесе республикалық көлемде (475 млрд. теңге) 18,8%-ы өндіріледі.

Қазақстан мен Ресейдің бірлескен жобасын екі кезеңде жүзеге асыру көзделген: біріншісі - 2018 жылға дейін іске қосылып, 60 мың автомобиль шығару, ал екіншісі - 2020 жылға қарай  зауыттың қуаттылығын 120 мың автомобильге жеткізу.  Нәтижесінде негізгі өндірісте 4000 жаңа жұмыс орны, аралас кәсіпорын-автобөлшектер өндірушіде 8000 жаңа жұмыс орны ашылады.

ШҚО әкімдігінің тапсырмасына сәйкес, автомобиль кластерін дамыту үшін «PricewaterhouseCoopers» (PwC) халықаралық ірі консалтинг компаниясы халықаралық талаптарға сәйкес шебер-жоспар дайындады.Ол шағын және орта бизнес үшін өзіндік бағыт нұсқаушы қызметін атқармақ, осы арқылы ШОБ аталған салаға араласады.

Ботагөз Айтжанова