• Басты
  • Мәскеу орталық мұражайына даңқты батыр Талғат Бигелдиновтің қола бюсті орнатылды

Мәскеу орталық мұражайына даңқты батыр Талғат Бигелдиновтің қола бюсті орнатылды

14 Желтоқсан, 2015 19:51
Мәскеуде Тағзым тауындағы Ұлы Отан соғысына арналған Орталық мұражайда Кеңес Одағының қос дүркін батыры, ұшқыш, авация генерал-майоры Талғат Бигелдиновтің қола мүсінін тапсыру салтанаты өтті, деп хабарлады СІМ.

Бюст "Берлин үшін шайқас" үшөлшемді панорама залына кіреберісте орнатылды. Себебі, осы Берлинде жаудың көзін жою операцияларына епті басшылық еткені үшін капитан Талғат Бигелдинов "Алтын жұлдыз" медалін екінші рет иеленген еді. Бұл туралы жарлық 1945 жылы 27 маусымда шықты.

Шараны Қазақстан мен Ресей Елшілігінің қолдауымен ҚР "Генералдар кеңесі" республикалық қоғамдық бірлестігі, Кеңес Одағының батыры С.И.Грицев атындағы қор ұйымдастырды. Оған ҰОС ардагерлері, Кеңес Одағының және РФ батырлары, Мемлекеттік Дума депутаттары, қазақ диаспорасының өкілдері, әскери академиялар тыңдаушылары т.с.с. қатысты.

ҚР "Генералдар кеңесі" республикалық қоғамдық бірлестігі президиумінің төрағасы Рүстем Қайдаров батырдың бюстімен бірге мұражайға Талғат Бигелдиновтің жеке құжаттарының көшірмелері тапсырылатынын айтты. Өз кезегінде Орталық мұражайдың директорының орынбасары, генерал-майор Михаил Михальчев оған зор алғысын жеткізді.

Барлық жаңалықтар