Винчецо Нибали мен Фабио Ару ЭКСПО-2017-нің құрметті елшілері атанды (ФОТО)
14 Желтоқсан, 2015 14:47
Астанада «Астана ЭКСПО-2017» ҰК» АҚ мен «Astana Pro Team» велокомандасы арасында ынтымақтастық туралы меморандумға қол қойылды, деп хабарлады Ұлттық компанияның баспасөз қызметі.
«Астана ЭКСПО-2017» ҰК» АҚ Басқарма төрағасы Ахметжан Есімов «Astana Pro Team» әлемдік спорт рейтингінде жақсы орында тұр және Қазақстанның танымал бренді болып табылады.
«Қазақстан Президенті ең жоғары деңгейде көрмені өткізуді тапсырды. Бұл үшін біз ЭКСПО-2017 ілгерілету мен насихаттау бойынша ауқымды жұмыс жүргізіп жатырмыз. Меморандумға сәйкес, ЭКСПО-2017 логотипі «Astana Pro Team» жейдесінен орын табады», - деді ол.
Сондай-ақ, Ахметжан Есімов «Astana Pro Team» көшбасшыларына ЭКСПО-2017 сертификатын тапсырды.
«Біз ЭКСПО-2017 елшісі атағына бірқатар адамдарды іріктеп алдық. Оның ішінде «Astana Pro Team» велошабандозшылары - Винченцо Нибали мен Фабио Ару бар», - деді Ұлттық компания төрағасы.
