Н.Әлтаев: «Алтын сапа» байқауына алғаш рет жеке кәсіпкерлер ғана қатысты
«Осы жылы ҚР Президентінің «Алтын сапа» сыйлығы мен «Қазақстанның үздік тауары» республикалық көрмесіне алғаш ретін мемлекеттік емес кәсіпорындар қатысты. Кәсіпкерлік қауымдастықтың бұл байқауға қатысу ниетін ескере отырып, осындай ірі шараның ұйымдастырушылары болып атанғанымыз біз үшін мәртебе», - деді ол.
Н.Әлтаевтің сөзінше, осы жылы байқауды өткізудің ерекшелігі комиссия құрамының өзгеруімен байланысты.
«Біз комиссия құрамын түгел өзгерттік, егер өткен жылы комиссия құрамында шенеуніктер мен мемлекеттік орган өкілдері болса, биыл кәсіпкерлердің өздері бағалады. Осы жылы тұңғыш рет Президенттің жарлығы мен нормативтік актілерге байқауды өткізу бойынша өзгерістер енгізілді», - деді ол.
Оның айтуынша, осы жылы байқауға мемлекеттік емес сектордың кәсіпорындары қатысты.
Айта кетейік, Президенттің «Алтын сапа» сыйлығын алу байқауының материалдары барлық үш номинация бойынша қаралды: «Өндірістік мақсаттағы үздік кәсіпорын», «Халыққа арналған тауарлар шығаратын үздік кәсіпорын» және «Қызмет көрсететін үздік кәсіпорын».
Егер 2006 жылы 52 кәсіпорын қатысса, бүгінде комиссия 153 өтінім ішінен әр номинация бойынша 10 бәсекеге қабілетті кәсіпорынды іріктеп алды.
«Қазақстанның үздік тауары» республикалық көрме-байқауының материалдарын қарау жөніндегі сараптау топтары үш номинация бойынша: «Өндірістік мақсаттағы үздік тауарлар», «Халыққа арналған үздік тауарлар» және «Үздік азық-түлік тауарлары». Байқауға өңірлердің 144 жеңімпаз кәсіпорны қатысады.
«Қазақстанның үздік тауары» байқауының материалдарын қарап шығып, қорытынды жиналыс өткеннен кейін Президент Әкімшілігі жанындағы лауреаттар мен дипломанттар атағын беру жөніндегі комиссия екі байқаудың да ақтық жеңімпаздарын таңдайды.
Индира Кауметова
