• Главная
  • Елбасы «Алтын сапа» сыйлығының лауреаттарын марапаттады (ФОТО)
11 декабря, 2015 18:23

Елбасы «Алтын сапа» сыйлығының лауреаттарын марапаттады (ФОТО)

Бүгін жалпыұлттық телекөпірден соң Мемлекет басшысы Нұрсұлтан Назарбаев ҚР Президентінің «Алтын сапа» сыйлығының жеңімпаздарын марапаттады.
Елбасы «Алтын сапа» сыйлығының лауреаттарын марапаттады (ФОТО)

Президенттің «Алтын сапа» сыйлығының «Ең үздік индустриялық жоба» аталымында Павлодар облысының «KAZ Minerals Bozshakol» ЖШС лауреат атанып, кәсіпорынның президенті Владимир Ким Елбасының қолынан "Алтын сапа" сыйлығын алды.

Сондай-ақ, Президенттік арнаулы «Алтын сапа» сыйлығы аясындағы «Үздік инновациялық жоба» аталымы бойынша Алматы қаласындағы «Элтекс Алатау» ЖШС топ жарып, «Алтын сапа» сыйлығына ие болды.

 Компания телекоммуникациялық және желілік құрылғыларды, сондай-ақ сәйкес бағдарламаларды шығарады. Өз өнімдерін Түркіменстанға экспорттайды.

«Халық тұтынатын ең үздік тауар»:  «Казлегпром-Алматы» ЖШС ( директор Айбек Бектұрғанов), «ТА-Мак» ЖШС (Гүлмира Қонкашева), «Қазбергенов» ЖК (Нұрбек Қазбергенов)

«Өндірістік мақсаттағы ең үздік тауар»: «Бемер Арматура» ЖШС (Андреас Кефер), «Стекло-Сервис» ЖШС (Аркадий Рубцов), «Бриссоль» ЖШС (Сергей Боков)

«Ең сапалы азық-түлік тауары»: «Рыбпром» ЖШС (Бақытжан Мұсанов), «Аян-Озат» ЖШС (Светлана Турук), «Айс-плюс» ЖШС (Мираиф Жандәулетов).  

Суретке түсірген Бауыржан Жуасбаев