Үкімет 2016 жылдың сәуір айына дейін ҚР-да ТжКБ жобасын жүзеге асыру бойынша шаралар жоспарын түзеді
«Ағымдағы жылы ақылы негізде техникалық мамандық бойынша білім алып жатқандар үшін Республикалық бюджеттен 5358 орынға мемлекеттік тапсырыс берілді. ҚР Премьер-Министрінің тапсырмасымен ҚР Премьер-Министрінің орынбасары Дариға Назарбаева бастаған жұмыс тобы құрылды. Бұл топқа жергілікті атқарушы органдардың, жұмыс берушілердің, мемлекеттік органдардың өкілдері кірді. Бұл жұмыс тобы Қазақстанда тегін техникалық және кәсіптік білім беру жобасын жүзеге асыру мақсатында шаралар жоспарын түзуі тиіс», - деді Ә.Сәрінжіпов.
Министр кәсіптік-техникалық және орта білімнен кейінгі білім беруді жаңғырту департаментіне облыстық және Астана мен Алматы қаласының білім беру басқармаларымен бірлесіп жұмыс тобын құруды тапсырды. Сонымен қатар, ТжКБ жүйесінің бүгінгі жағдайына талдау жүргізуді міндеттеді.
Бұдан басқа, түлектер мен жұмыссыз жүрген жастар арасында ақпараттық-насихаттық жұмыстарды жандандыруды жүктеді.
«Елбасы 2017 жылы «Баршаға тегін кәсіптік-техникалық білім беру» жаңа жобасын жүзеге асыратын жыл деп жариялады. Бұл тұрғыда заңнамалық негіз бар. Сәйкесінше өзгерістер «Білім беру туралы» ҚР Заңына енгізілді және ҚР Президенті қол қойды», - деп хабарлады ҚР БҒМ басшысы.
Сәрінжіповтың айтуынша, еліміздегі 800-ден астам колледждерде шамамен 500 мың студент 183 мамандық түрі бойынша білім алуда. Оның ішінде 139-ы техникалық мамандық, жалпы білім алып жатқандардың 58% техникалық және ауыл шаруашылығы саласы мамандықты игеруде.
