Г.Әбдіқалықова Ұлттық медициналық холдингтің жұмысымен танысты
Медхолдинг Назарбаев Университетінің құрамына енеді. Ұлттық медициналық холдингтің құрамына 6 инновациялық медициналық орталық бар: Ана мен бала ұлттық ғылыми орталығы, Ұлттық нейрохирургия орталығы, Республикалық балаларды оңалту орталығы, Ұлттық онкология және трансплантология ғылыми орталығы, Республикалық диагностикалық орталық және Ұлттық ғылыми кардиохирургия орталығы.Мемлекеттік хатшы Ана мен бала ұлттық ғылыми орталығының жұмысымен, оның ішінде нәрестелер анестезиясы, реанимациясы және қарқынды терапиясы; ортопедия бөлімшелерімен танысты.
Мемлекеттік хатшы бүгінгі таңда Медициналық холдингтің клиникаларында медицинаның барлық салаларының үздік мамандары шоғырланғандығын, Холдинг компаниялары тобының жоғары сапалы медициналық қызметтері үлкен сұранысқа ие екендігін атап өтті. Бүгінде Холдингте үздік әлемдік медициналық тәжірибелер және ғылымдағы инновациялар енгізілуде, ал алынған білімдері телемедицина, тегін медициналық көмектің кепілдендірілген мемлекеттік көлемі аясында, санитарлық авиация арқылы республиканың өңірлеріне таратылуда.
