Қазақстанда 2017 жылға қарай қамауға алынғандардың 75%-нан астамын жұмыспен қамту көзделген - ҚР Бас прокуратурасы

11 Желтоқсан, 2015 11:26

Біз алдымызға 2017 жылға қарай қамауға алынғандардың 75%-нан астамын жұмыспен қамту міндетін қойып отырмыз, деп хабарлады ҚР Бас прокуроры Асхат Дауылбаев «Ресоциализация: Сен қоғамға керексің!» түрме реформасының үшінші форумы барысында.

«Бүгіннің өзінде қамауға алынғандарды жұмыспен қамту көрсеткішінің артып отырғанын хабарлаудамыз, ол 54%-ға жетті. Бұл мақсатта колонияларға жеке кәсіпкерлік субъектілері тартылды. Олар 1800-ден астам сотталғандарды жұмыспен қамтыды. Бұл «Еңбек» РМК-ның 15 жыл қызметі ішінде ашқан жұмыс орындарының үштен бір бөлігін құрады», - деп мәлімдеді ҚР Бас прокуроры.

А. Дауылбаев атап өткендей, алғаш рет 1997 жылдан бастап қамауға алынғандарды жеке еңбек қызметіне тарту механизмі жұмыс істей бастады.

«Бүгінде 20 жазасын өтеуші жеке кәсіпкер ретінде тіркелді, олар мал шаруашылығымен, ыдыс жасаумен, аяқ-киім тігумен айналысады және көркем шеберхана ұйымдастырлыған», - деп хабарлады ол.

Сонымен қатар, ағымдағы жылы жапа шеккендерге шығынын өтеу көрсеткіші артты, оларға 640 млн теңге төленді, бұл 2014 жылмен салыстырғанда 2 есе көп.

«Бүгінде Қазақстан Парламентінде түрмелерді өндіріспен айналысу құқығымен қамтамасыз ету мәселесі қаралуда. Осы ретте Біз алдымызға 2017 жылға қарай қамауға алынғандардың 75%-нан астамын жұмыспен қамту міндетін қойып отырмыз», - деді А. Дауылбаев.

Естеріңізге сала кетейік, бүгін Астанада «Ресоциализация: Сен қоғамға керексің!» түрме реформасының үшінші форумы өтуде.

Индира Кауметова