ИИДМБ:Астанада жаңа зауыт жылына 1 млн тігін бұйымдарын шығарады (ФОТОРЕПОРТАЖ)

«Өндіріс индустриялды паркте 2 гектар жерді алып жатыр. Құрылыстың жалпы алаңы 7 мың шаршы метр. Біз барлық заманауи технологияларды қолдандық», - деді «ЮТАРИЯ ltd» компаниялар тобының директоры Сәуле Шаукенова Strategy2050.kz АА берген эксклюзивті сұхбатында. 

«Бұл Бизнестің жол картасы бойынша жүзеге асырылған 3 жоба. Мемлекеттік қолдау шаралары «Бизнестің жол картасы» бағдарламасының бірінші бағыты бойынша «Даму» арқылы көрсетілді. Олар біздің субсидиялау бойынша ежелгі серіктесіміз», - деді С.Шаукенова.

Кәсіпорын үй, қонақ үй, мейрамханалық бұйым мен трикотаж өндірісіне дейін өндіреді. Өедірістік қуат жылына 1 млн тігін бұйымдарын құрайды. 

«Кәсіпкерлік сонымен қатар, елде жеңіл өнеркәсіп саласында кәсіпорын құруды дамытуда консалтинг қызметін ұсынады. Біз Қазақстанда Zoje әлемдік брендін ұсынып отырмыз. Біз бүгін серіктестерімізге технологиялық ағымдардың есебін ұсына аламыз. Толық қуаттылыққа шыққан соң тігін бұйымының 500 түрі шығарылып, 700 мың тігін бұйымдары өндіріледі», - деді ол.

Кәсіпорын 400 жаңа жұмыс орнын ұсынады, оың негізі әйелдерге тиесілі. Кәсіпорында жаңа мамандықтар ашылды: тігін қондырғысын жинаушы-оператор, тоқу өндірісінің операторы, тігін компьютерлік қондырғысының жинаушысы, автоматтандырылған өндірістің IT- маманы. Зауытта дуальді оқыту жоспарланған.

«Бұл жерде жаңа мамандарды дайындау және қайта дайындау мүмкіндігі жасалған, колледж бен жұмыспен қамту орталығынан келген мамандар тәжірибесін арттырып, шыңдалады. Бұл жерде заманауи қондырғының тілін білген өте маңызды. Құрылғылардың барлығы жоғарытехнологиялық, 70 пайызға дейін энергия тиімдей алады», - деді бас директор.

Айта кетейік, кәсіпорында «бір терезе» қағидасы бойынша өнім өндіріледі, дизайнды әзірлеуден, тұтынушыға тауардың жетуіне дейін сүйемелденеді.

 Анар Тәңірқұлова

Суретке түсірген Азамат Әлиев