В.Лоссерталес: «Болашақ энергиясы» форумы инновацияның дамуына тың серпін береді (ФОТО)

11 Желтоқсан, 2015 09:07

Парижде «Астана ЭКСПО-2017» ұлттық компаниясының ұйымдастыруымен «Болашақ энергиясы - 2015» форумы өтті, деп хабарлады ҚР СІМ.

Бұл ЭКСПО-2017 алдында өткізіліп жатқан халықаралық конференциялардың екінші шарасы.

Басты баяндаманы Халықаралық көрме бюросының (ХКБ) бас хатшысы Висенте Лоссерталес оқыды.

«Форум тақырыбы ретінде «Болашақ энергиясы» «Астана ЭКСПО-2017-ге», инновациялардың дамуына, энергетикалық мәселелер бойынша ынтымақтастық орнатуда тың серпін береді», - деді ХКБ бас хатшысы.

Қазақстанның энергетика министрі Владимир Школьник Париждегі «Болашақ энергиясы - 2015» форумын аша отырып энергетикаға деген әлемнің қарым-қатынасын талқылаудың нағыз уақыты келгенін атап өтті.

«Біз энергетиканың даму процесінде қандай маңызды роль атқаратынын білеміз. Алайда, көмір қышқыл газын жағу Жер шарының климатының өзгеруіне алып келеді. Бұл мыңдаған адамның қауіпсіздігіне нұсқан келтіреді», - деп атап өтті энергетика министрі.

Барлық жаңалықтар