• Главная
  • Қазақстанда «Жастар есірткіге қарсы» іс-шарасының қорытындысы шығарылды (ФОТО)
10 декабря, 2015 19:17

Қазақстанда «Жастар есірткіге қарсы» іс-шарасының қорытындысы шығарылды (ФОТО)

2015 жылғы қыркүйектен бастап желтоқсан аралығында Ішкі істер министрлігі облыс әкімдерінің және жоғары және орта оқу орындарының, «Жас Отан» жастар қанаты басшылығының белсенді қолдауымен әрбір облыста «Өз өмірінді көркемде!» ұранымен ірі ауқымды акциялар өткізді, деп хабарлады ІІМ.
Қазақстанда «Жастар есірткіге қарсы» іс-шарасының қорытындысы шығарылды (ФОТО)

Іс-шара мақсаты – жастардың назарын есірткі қаупіне аудару және оның салдары, оларды пайдаланудан шеттелу маңыздылығы туралы мағлұмат беру, сондай-ақ салауатты өмір салтын жүргізу қағидаттарын қалыптастыру.

Іс-шаралар нысаналы аудиторияға ұйымдастырылған: студенттер және оқушылар.

Осы жас санатын таңдау жасөспірімдер мен жастар әртүрлі деструктивті ықпалдар үшін осал болып келетініне байланысты.

Барлық акцияларға қазақстан спортының жұлдыздары, мәдениет қайраткерлері, әншілер белсенді қатысты, Салауатты өмір салтын қалыптастыру орталықтарының врач-наркологтары, психиатрлары, мамандары тартылды.

Астана қаласында 10 желтоқсанда Қазақ мемлекеттік заң университетінде  бір уақытта бүкіл республика бойынша ұйымдастырылған акцияның қорытынды сатысы өтті.

Нашақорлар ортасына тартылуына жол бермеу, сондай-ақ салауатты өмір салтын насихаттау мақсатында ЕБҚКД қызметкерлері есірткіге қарсы тақырыпта бейнероликтер көрсетті.

Есірткінің зияны және оның адам психикасына ықпалы туралы баяндамамен Астана қаласының Медициналық әлеуметтік оңтайландыру орталығының дәрігер-наркологы сөз сөйледі.

Іс-шара аяқталған кезде атақты қазақстандық әншілердің Бауыржан Исаевтің, Ерлан Көкеевтің орындауында эстрадалық өлеңдер орындалды.

Жас қазақстандық орындаушы Луина өзінің есірткіге қарсы ұстанымын, сондай-ақ ІІМ ЕБҚКД басшылығына «Жастар есірткіге қарсы» профилактикалық акциясын ұйымдастырғаны үшін алғысын білдірді.