Г. Әбдіқалықова: Қазақстанда адам құқықтарын қорғау қызметіне басымдық берілген
«1948 жылы 10 желтоқсанда БҰҰ Бас Ассамблеясы Адам құққытары жөнінде жалпыға ортақ деклоарацияны қабылдады. Ол адамзат тарихында адамның экономикалық және әлеуметтік құқығы жан-жақты ашылған алғашқы құжат болды. Осы ретте Қазақстандағы адам құқығын қорғау жалпылама мойындалған халықаралық принціптерге негізделген», — деді Гүлшара Әбдіқалықова.
Мемлекеттік хатшы Гүлшара Әбдіқалықова өз сөзінде Елбасы ұсынған Ұлт жоспарын іске асыру шеңберінде, сондай-ақ Қазақстандағы құқық қорғау тетіктерін жетілдіру мақсатында адам құқықтарын талқылаудың өзектілігін атап өтті.
«Жалпы, Қазақстанда адам құқықтарын қорғау қызметіне басымдық берілген. Осы ретте, мемлекеттің әбден сыннан өткне әлеуметтік саясаты, демократияның нығаюы, азаматтардың өмір сүру сапасының артуы жарқын дәлел бола алады», — деді ол.
Мемлекеттік хатшы Г.Әбдіқалықова сөз соңында қатысушыларды 2015 жылы Біріккен Ұлттар Ұйымының Адам құқықтары жөніндегі кеңесінде және келісім-шарттық органдарында үш ұлттық баяндаманы жетістікпен қорғап шығумен құттықтады және құқық қорғау қызметінде жаңа табыстар тіледі.
