БҒМ-да 2016 жылы 100 млн долларға технологияны коммерцияландыру бойынша «өнімділігі жоғары инновациялар» жобасы іске қосылады

«2016 жылы жалғасын іске қосуды жоспарлап отырмыз, ол «өнімділігі жоғары инновациялар» деп аталады», - деді А.Сәрінжіпов.

Министрдің айтуынша, аталмыш жобаның стратегиялық маңызы зор. «Бүгінде шикізатқа тәуелділік қандай дағдарысқа душар ететінін көріп отырғандықтан, жаңа білімге, технологиялар мен инновациялардың дамуына басымдық беру керек», - деп түсіндірді ол.

Жобада зерттемелерді коммерцияландыру жүйесін одан ары дамыту және оларды өндіріске енгізуге басымдық беріледі.

Сонымен қатар, ол толықтырып кеткендей, Қазақстанда инновациялық белсенділік артты және Ресей мен Түркия сынды елдердегі көрсеткіш деңгейіне жетті.

«Екіншіден, біздің университеттеріміз ғылыми зерттеулерде белсенділік танытуда. Бүгінде зерттеулердің 45%-ға жуығы біздің жоғарғы оқу орындарында жүргізіледі. Біз бұл жетістік жаңа білім мен жаңа технологиялар жасауға септігін тигізеді деген үміттеміз», - деп хабарлады ол.