Қазақстан Президенті Н.Назарбаев Ресейде «Жыл адамы-2015» атанды
10 Желтоқсан, 2015 10:29
Қазақстан Президенті Нұрсұлтан Назарбаев «Халықаралық қарым-қатынас» номинациясында «Жыл адамы-2015» сыйлығының лауреаты атанды. Салтанатты марапаттау рәсімі Мәскеудегі Христос храмының Сергиев залында өтті, деп хабарлады Қазақстаннның РФ-дағы елшілігі.
Сыйлықты тағайындаушылар -Орыс биография институты мен Экономикалық стратегиялар институты атап өткендей, Нұрсұлтан Назарбаев сыйлыққа халықаралық саясаттағы толағай жетістіктері мен Еуразиялық экономикалық одақтың нығаюына үлес қосқаны үшін ие болды. Айта кетейік, 2012 және 2014 жылдары қазақстандық лидер аталмыш премияның лауреаты болған.
Сыйлық лауреаттарының ішінде 2015 жылы - Ресей Президенті В.Путин, Беларусь Президенті Александр Лукашенок, ҚХР төрағасы Си Цзиньпин, Мемлекеттік кеңес пен Куба Республикасы министрлер кеңесінің төрағасы Рауль Кастро, Татарстанның тұңғыш президенті Минтимер Шаймиев, Патриарх Московский Кирилл, академик Лео Бокерия, кинорежиссер Никита Михалков бар.
