Астанада Халықаралық ғылыми-техникалық орталық туралы келісімге қол қойылды (ФОТО)
10 Желтоқсан, 2015 11:19
Астанада Халықаралық ғылыми-техникалық орталық қызметінің жалғасуы туралы келісімге қол қойылды. Қазақстандық тараптан құжатқа қолды Білім және ғылым министрі Аслан Сәрінжіпов қойды, деп хабарлады ҚР Білім және ғылым министрлігі.
Келісімнің алғашқы кезеңінде Еуропа одағы, Ресей Федерациясы, АҚШ және Жапониямен келісім орнатылды,одан кейін Армения, Грузия, Беларусь, Қазақстан, Қырғызстан, Норвегия, Корея, Тәжікстан қосылды. Қазақстан ХҒТО-ға 1995 жылдан бастап мүше.
2015 жылы ХҒТО аясында 18 млрд доллардың 70 жобасы жүзеге асырылды, сондай-ақ, 2,5 млн доллардың қосымша бағдарламалары жүзеге асырылды.Ол қауіпсіздік, химиялық, биологиялық, радиологиялық және ядролық зерттеу, энергия тиімділігін нанотехнология арқылы қолдану салаларында болып отыр.
Сондай-ақ, ХҒТО-ның экология мен денсаулық сақтау саласында қолдаған жобалары Жапонияда «Фукусимо» апатын жоюда қолданылды.
