Кәсіпкерлік субьектілеріне түскен жалпы экономикалық әсер 2015 жылы 14 млрд теңгені құрады - ҰКП

Басқарма төрағасы отырыста бизнес ортаға барынша жағдай жасау,мемлекеттік қолдау көрсету шараларының тиімділігініне талдау жүргізу, қаржы ресурстарына бизнестің қолжетімділігін қамтамасыз ету, сатып алулар мен жергілікті мазмұн жүйесін дамыту "Атамекен" ұлттық кәсіпкерлер палатасының міндеті екенін атап өтті.

"Ұлттық кәсіпкерлер палатасының қатысуымен ҚР кәсіпкерлік Заңы әзірленіп, 2015 жылдың 1 қаңтарында заңды күшіне енген болатын. Аталған заңның қабылдануынан осы жылы кәсіпкерлік субьектілеріне түскен жалпы экономикалық әсер 14 млрд теңгені құрады. Бірқатар рұқсат беру рәсімдерінің алынып тасталуы мен жалпы рұқсат беру рәсімдерінің жеңілдетілуі арқылы әкімшілік кедергілер азайтылып, бизнестің операциялық шығындары кеміді. Жалпы 481 рұқсат немесе 41% рұқсат беру құжаттарынан 198 рұқсат қысқартылды. Заң қабылданғаннан кейін 2016 жылы 283 құжат ғана қалады", - дейді Абылай Мырзаxметов.