Қазақстанның Қарулы Күштерінде сыбайлас жемқорлыққа қарсы іс-қимыл бойынша акция басталды
Оның негізгі мақсаты әскери қызметшілердің армиядағы кез келген сыбайлас жемқорлықтық көріністерге төзімсіздігін қалыптастыру болып табылады. Акция шеңберінде әскери полиция қызметкерлері, ҚР ҚК әскери бөлімдері мен мекемелері командирлерінің сыбайлас жемқорлыққа қарсы іс-қимыл жөнінде қабылдап жатқан шаралары мен қызметіне қатысты қызықтыратын сұрақтарды қоя алады.
Сондай-ақ, ҚР Қорғаныс министрлгінің ресми сайтында жұмыс жасайтын «Сыбайлас жемқорлыққа қарсы іс-қимыл» арнайы бөлімін айта кеткен жөн. Қарулы Күштердегі сыбайлас жемқорлық құқық бұзушылыққа тап болған жағдайда әскери қызметшілер, олардың отбасы мүшелері мен өзге де азаматтар мұнда электронды өтініш бере алады. ҚР ҚМ-ға 8 (7172) 54-19-25 сенім телефоны арқылы хабарласуға болады. Сыбайлас жемқорлық қазіргі заманғы қоғамның проблемаларының бірі болып келеді. Оны шешу мақсатында еліміздің Қорғаныс министрлігі бірқатар нақты шараларды іске асыруда.
Алайда, күресудің анағұрлым пәрменді әрі батымды тәсілі ол кешенді жұмыс жасау, қорғаныс ведомствосы, күштік құрылымдар, сот, құқық қорғау және арнайы органдардың жұмыла бірлескен жұмысының нәтижесінде байқалады. Бұл бағытта алғашқы қадам жасалды. Ағымдағы жылғы қарашаның соңында Қорғаныс министрлігі, Бас прокуратура, ҚР Мемлекеттік қызмет және сыбайлас жемқорлыққа қарсы іс-қимыл агенттігі, Ұлттық қауіпсіздік комитеті мен Ішкі істер министрлігінің басшылары сыбайлас жемқорлыққа қарсы іс-қимыл мәселелері жөніндегі меморандумға қол қойды. 2016 жылғы 1 қаңтардан бастап ол күшіне еніп, қолданысқа енгізіледі.
