Б.Садықов: Ядролық қарудан азат әлемге қол жеткізу жөніндегі Жалпыға ортақ декларациясы - ҚР-ның халықаралық қауіпсіздікке қосқан үлесі

9 Желтоқсан, 2015 16:38

Ядролық қарудан азат әлемге қол жеткізу жөніндегі Жалпыға ортақ декларациясы – ҚР Президенті Н.Назарбаевтың бастамасының маңыздылығын әлем қауымдастығы мойындап отырғанын білдіреді, деп хабарлады ҚР СІМ ерекше тапсырмалар бойныша елшісі Барлыбай Садықов ОКҚ-дағы баспасөз конференциясында.

«ҚР Президенті Нұрсұлтан Назарбаев Біріккен Ұлттар Ұйымына ядролық қарудан азат әлемге қол жеткізу жөніндегі Жалпыға ортақ декларация декларацияны қабылдауды ұсынған болатын. Осы ретте ағымдағы жылдың 7 желтоқсанында БҰҰ декларацияны қабылдау туралы резалюцияны бекітті», - деді Б. Садықов.

Ол атап өткендей, ҚР СІМ осы уақытқа дейін Елбасының бастамасын жүзеге асыру мақсатында жұмыстарын жалғастырды.

«Бұл құжат Н.Назарбаевтың бастамасының маңыздылығын әлем қауымдастығы мойындап отырғанын білдіреді. Ядролық қарудан азат әлемге қол жеткізу жөніндегі Жалпыға ортақ декларацияны қабылдау ҚР-ның халықаралық қауіпсіздікке қосқан үлесі болып табылады», - деді Б. Садықов.

Естеріңізге сала кетейік, Нұрсұлтан Назарбаев ағымдағы жылдың 28 қыркүйегінде БҰҰ Бас Ассамблеясының 70-ші сессиясының жалпы пікірсайысында ядролық қарудан азат әлемге қол жеткізу жөніндегі Жалпыға ортақ декларация қабылдау туралы ұсыныс жасады.

Ботагөз Айтжанова

Барлық жаңалықтар