Жапониялық компания Қазақстанда ауыл шарушылығы саласында инвестициялауды кеңейтуді жоспарлауда
«Біздің жобаны жүзеге асырғанымызға тек бір жыл болды, айта кетерлік жайт Қазақстан мен мемлекеттік органдар бұл мақсатта бізге барынша қолдау көрсетті. Біз ынтымақтастығымызды одан ары жалғастырғымыз келеді. Біріншіден егін алқабын кеңейткіміз келеді, екіншіден тиімділікті арттыру керек. Нәтижесінде қосымша құны қосылған өнімді үлкен көлемде өндіреміз деген ойдамыз»,- деп мәлімдеді Нобоюки Аракава.
Инвестордың айтуынша, осы кезеңде компания өзінің тиімді менеджментін жобаға алып келуге тырысуда. Біз жаңа технологияларсыз, тиімді басқару арқылы мол өнім алуға болатынын көрсетуді жоспарлаудамыз.
«Бірінші кезекте біз өнімділікті арттыруға тырысудамыз. Біз инвестор ретінде Қазақстанның дамуына және оның ауыл шаруашылығы саласының дамуына жаңашылдық алып келгіміз келеді. Біздің біліуімізше Қазақстан Президенті ауыл шаруашылығы саласының маңыздылығын атап өтті. Осы ретте біз сіздердің елдеріңізбен өз тәжірибемізбен бөлісуге тырысудамыз», - деді шетелдік инвестор.
Сонымен қатар, Нобоюки Аракава атап өткендей, «Toyota Tsusho» «Toyota» компаниялар тобына кіреді. Оның өкілділігі көптеген елдерде бар және онда шамамен 50 мың адам жұмыс істейді.
Индира Кауметова
