ҚР-ның 3 облысында күрделі жөндеуден кейін 100 шақырым жол пайдалануға берілді

9 Желтоқсан, 2015 18:49

Қостанай, Манғыстау, Қызылорда облыстарында күрделі жөндеуден өткен, ұзындығы 100 шақырымнан асатын учаскелер пайдалануға берілді, деп хабарлады «ҚазАвтоЖол» АҚ.

Ақтау қаласын «Ерсай» теңіз портымен байланыстыратын, ұзындығы 59 шақырымға жететін республикалық маңызы бар Ақтау – Құрық жол учаскесінде күрделі жөндеу жұмыстары түгел аяқталды. Аталған жол III-ші техникалық категорияға жатады.

Шекаралық облыс ретінде Каспий аймағының коммуникациялық жүйесіне кіретін Манғыстау облысы ірі көлік-логистикалық және қызметтік потенциалға ие. Осыған орай, Ақтау – Құрық автожолын жөндеу - жолаушылар және жүк тасымалы үшін аса маңызды.

Жолда көлік павильондары, санитарлық блогы, демалу алаңы және жүк автомобильдеріне арналған сынақ эстакадасы бар 4 автобус аялдамалары салынған.

Қостанай облысында Қарабұтақ-Комсомольское-Денисовка-Рудный-Қостанай жолында жөндеу жұмыстарымен қатар, жол белгілерін, автопавильондар және басқа жол шаруашылығы элементтерін орнату жұмыстары аяқталды. Ұзындығы 42 шақырымға жететін жол III-ші техникалық категорияға жатады.

Аталған учаске Ақтөбе облысымен карым-катынасты камтамасыз етеді және Қазақстан орталығын Батыспен жалғайтын стратегиялық бағыттарының бірі болып саналады.

Қызылорда облысында Қызылорда-Жалағаш автожолының 79 шақырымында орналасқан көпірдің күрделі жөндеуі аяқталды. Айта кетсек, аталған көпірдің бірен-саран бөлігін ағымдағы жылы көктемгі су тасқын кезінде басып кеткен болатын. Жөндеу барысында «EVRASCON» ААҚ» мердігерлік ұйымымының күшімен аз уақытта ұзындығы 70 метр жолға асфальтбетон төселінді.

Күрделі жөндеу жасалған көпір арқылы өтетін жолды ашу - автокөліктердің жайлы және қауіпсіз қозғалысын қамтамасыз етеді.

Жол жөндеу жұмыстары қатаң график бойынша жүргізілді. Барлық учаскілерде жол төсемдерінің конструкциясы жаңартылды.