Жемқорлыққа қарсы күрес тиімді болуы үшін мемлекет пен қоғам арасындағы байланыс тығыз болуы керек – сарапшы

9 Желтоқсан, 2015 11:56

Жемқорлыққа қарсы күрес тиімді болуы үшін мемлекет пен қоғам арасындағы байланыс тығыз болуы керек, деді ҚР Президенті жанындағы Орталық коммуникациялар қызметі алаңында «Сыбайлас жемқорлыққа қарсы мәдениетті қалыптастырудағы мемлекет пен қоғамның консолидациясы» брифингінде ҚР Мемлекеттік қызмет істері және сыбайлас жемқорлыққа қарсы іс қимыл агенттігі төрағасының орынбасары Саян Аxметжанов.

Жиын барысында ҚР Мемлекеттік қызмет істері және сыбайлас жемқорлыққа қарсы іс қимыл агенттігі төрағасының орынбасары Саян Аxметжанов сыбайлас жемқорлыққа қарсы қоғамның мәдениетін қалыптастыру үшін бірлесіп жұмыс істеу қажет екенін айтты.

«Елбасы өз Жолдауында атап өткендей қазіргі дағдарыс кезеңінде жемқорлықты тоқтатудың кез келген амалын бірлесіп қолдануымыз керек. Биылғы жыл агенттігіміздің тариxынан ерекше орын алатын болады. Себебі сыбайлас жемқорлыққа қарсы тұру, мемлекеттік қызмет туралы заң қоғамдық кеңестер туралы заң қабылданды. Енді осы заңдар арқылы бірқатар реформалар еңгізіледі. Осыған орай алдағы жылы елмен бірге ауқымды шаралар атқарылатын болады», - деді Саян Аxметжанов.

Айта кетейік, Агенттік сыбайлас жемқорлыққа қарсы мәдениетті қалыптастыру үшін бірнеше ұйыммен ашық келісімшарт жасап, бірлесіп жұмыс істеуге уағдаласты.

Олардың қатарында жастар ұйымдары, БАҚ өкілдері, «Нұр Отан» партиясы ҚР Халықтар ассамблеясы секілді үкіметтік және қоғамдық ұйымдар бар.