Елбасы бізге даму бағытын белгілеп, баршамызға сенім білдірді – Ө.Бейсенов

 ««Қазақстан жаңа жаһандық нақты ахуалда: өсім, реформалар, даму» деп аталатын биылғы Жолдауында Елбасы дағдарыстың алдын алу стратегиялық бағдарламасын айқындап берді. Елбасы  өз әрекеттерімен  дағдарыс кезеңінің алдын алып отыратынын да біз білеміз», - деді Ө.Бейсенов.

«Бұған мысал: 2007 жылғы  қаржылық дағдарыстың алдын алу  бағдарламасы, Ұлттық қордың құрылуы. Міне, осы жолы да Президент дағдарысқа қарсы шешімдердің стратагемаларын  нақты айқындап берді. Олар: өсім, реформа, даму. Жолдауда 2050 жылға дейінгі экономикалық өсудің қозғаушы күші болып табылатын «Нұрлы жол» экономикалық саясатына баса көңіл аударылатыны атап көрсетілді», - деді ол. 

Ол атап өткендей, Жолдауда, 2016 жылдың 1 қаңтарынан бастап Ұлт Жоспарының шеңберінде қабылданған жаңа заңдар қолданысқа енгізілетінін атап  өтті.  Әрқайсымызға ел болашағы үшін үлкен жауапкершілік жүктелді.

«Жалпы, Жолдауда аталған шаралар – уақыт талабы, дамыған 30 елдің қатарына қосылу мақсатындағы қадамдар. Жүзеге асырылып жатқан түбегейлі реформалар мен атқарылып жатқан қыруар істердің барлығы ел болашағы үшін жасалуда», - деді хатшы.

«Елбасы бізге даму бағытын белгілеп,  нақты мақсаттар қойып, баршамызға сенім білдірді. Ендеше, Елбасымыздың үмітін ақтайық! Елбасының кезекті Жолдауын басшылыққа ала отырып, кез келген дағдарысты еңсеріп, үлкен жетістіктерге қол жеткізетінімізге сенімдіміз», - деді Ө.Бейсенов.