• Басты
  • СҚО-да ЖҚЖК бойынша жыл басынан бері 3862 адам жұмыспен қамтылды

СҚО-да ЖҚЖК бойынша жыл басынан бері 3862 адам жұмыспен қамтылды

9 Желтоқсан, 2015 09:28
СҚО-да «Жұмыспен қамтудың жол картасы-2020» бағдарламасы бойынша жыл басынан бері 3862 адам жұмысқа орналастырылды, деді аппараттық кеңесте Жұмыспен қамту және әлеуметтiк бағдарламаларды үйлестiру облыстық басқармасының басшысы Асқар Сақыпкереев.

«Жол картасының бiрiншi бағыты бойынша жоспарланған 32 жобаның 29-ы iске асырылды. Қалған жобалар бойынша жұмыстар жыл соңына дейiн аяқталады. Екiншi бағыт аясында 235 микронесие берiлдi. Микронесие алушылар қосымша 312 адамды жұмыспен қамтыды. Үшiншi бағыт бойынша 129 адам кәсiби бiлiм алды, әлеуметтiк қызметкерлердi қайта даярлау курстарына 21 қызметкер қатысты. Әлеуметтiк жұмыс орындарына 330 адам орналыстырылды, 344 түлек жастар тәжiрибесiн өтуге бағытталды», — дедi Асқар Жоламанұлы.

Сондай-ақ, бос қызмет орындары базасынан 2894 адам жұмыс қамтамасыз тапты. Жол картасы 2020 бағдарламасы жүзеге асырыла бастағалы 515 пәтерлiк 414 тұрғын-үй тапсырылды. 507 отбасы қоныс аударды. Қазiргi таңда Петропавл қаласында 2 жатақхананың құрылысы аяқталуға жақын.

Сонымен қатар, Асқар Сақыпкереев Жұмыспен қамтудың жол картасы бағдарламасына қатысушылар санын арттырып, жұмыссыздық деңгейiнiң өсуiне жол бермеу мен облыстағы еңбек нарығындағы тұрақты жағдайды сақтауға бағытталған шараларды жүзеге асыру бойынша өткiзiлiп жатқан ақпараттық-түсiндiру жұмысы туралы баяндады.

 

Барлық жаңалықтар