Б.Сапарбаев: Қиындықтарға қарамастан барлық мәселе бір жарым ай ішінде шешіледі

7 Қараша, 2013 11:55

Шығыс Қазақстан облысының әкімі Бердібек Сапарбаев Семей қаласында БАҚ өкілдерімен кездесті. Кездесуде Мемлекет басшысының 11 қазандағы Үкіметтің кеңейтілген отырысында айтқан сындарын түзету мен тапсырмаларын орындау мәселелері талқыланды, деп хабарлайды ШҚО Ақпараттық орталығы.

Өңір басшысы қала мен аудан әкімдерінің барлығына халық пен активтерінің алдында есеп беруді тапсырды. Алдағы уақытта Семей мен Өскемен қалалық және Зайсаң ауданының әкімдері есеп беретін болды.

«Сын-ескертпелерге келер болсақ, Бердібек Сапарбаев қазіргі таңда машина құрылысы кәсіпкерлігі саласында импорттың орнын басатын жаңа өнімдерді игеру жұмыстары жүргізіліп жатқанын айтты. Өткен жылғы көрсеткішпен салыстырғанда өңірде ауылшаруашылығы өнімі 6 пайыздан астам жоғарылаған. Оған себеп мал басы санын арттыру мен өнімділікті қадағалау», - делінген хабарламада.

Семей өңірі құрылысқа бөлінген қаражаттың барлығын дерлік игерген. 4 нысан мердігерлер кесірінен аяқсыз қалып отыр. Ал олардың ісі сотқа жөнелтілген. Әкім қиындықтарға қарамастан барлық мәселе бір жарым ай көлемінде шешімін табады деп уәде беріп отыр.

Барлық жаңалықтар