Биылғы Жолдау - болашақтың нұрлы жолы - Төлебаева
«Бұл көреген саясатының нәтижесінде өзін де, елін де әлемге мойындатқан заманының аса дарынды тұлғасы, татулық пен ынтымақты, бірлік пен тыныштықты мұрат еткен Елбасымыз – Нұрсұлтан Әбішұлы Назарбаевтың еңбегінің жемісі», - деді ол.
Оның айтуынша, Тәуелсіздік жылдары ішінде еліміз талай тарихи кезеңдерді еңсерді, соның бірі – Ұлт Көшбасшысының жылдар бойы қалыптасып келе жатқан дәстүрлі халыққа Жолдауы. Қазақстан өзінің даму жолдарында Елбасының жыл сайынғы жолдауларын сан қилы кезеңдерде өзіне темірқазық етіп келеді. Бүгінге дейін абыройлы асулардан асып, әлемдегі озық елдердің қатарына қосылып, дүниежүзілік сауда ұйымына шартты түрде кірген тұста мемлекет башысы Нұрсұлтан Әбішұлы Назарбаев жыл сайынғы дәстүрлі жолдауын халық назарына ұсынды.
««Қазақстан жаңа жаһандық нақты ахуалда: өсім, реформалар, даму» атты 2016 жылға арналған аталмыш Жолдауын: «Санаулы күндерден кейін біз азаттық туын желбіретіп, Тәуелсіз Мемлекет атанғанымыздың 25 жылдығына аяқ басамыз. Бұл – тәуелсіздікті нығайту жолындағы өлшеусіз еңбегіміздің ширек ғасырлық белесін қорытындылайтын мерейлі сәт. Тәуелсіздікті баянды ету – оған қол жеткізуден де қиын», - деді ол.
«Тәуелсіздік алғаннан бері елімізде бой көтерген мыңдаған жобалар – егемен еліміздің тұңғыш Президентінің көреген саясатымен жүзеге асырылған еңбегінің жемісі. Осы жылдар ішінде елімізде салынған мыңдаған денсаулық сақтау нысандары мен білім беру ошақтарының қатарын Мұғалжар ауданында бой көтерген әлеуметтік нысандар да толықтыра түсті», - деді ол.
