2016 жылы Қазақстанда 326 мың шаршы метр жалға беру пәтерін пайдалануға беру жоспарлануда
8 Желтоқсан, 2015 13:27
2016 жылы Қазақстанда 326 мың шаршы метр жалға беру пәтерін пайдалануға беру жоспарлануда , деді «Бәйтерек» ҰБХ» АҚ басқарма төрағасы Қуандық Бишімбаев Үкіметтің кеңейтілген отырысында.
« «Бәйтерек» холдингі жалға беру пәтерінің құрылысына қатысуда, 2016 жылы дағдарысқа қарсы жоспар бойынша 326 мың шаршы метр тұрғын үйді пайдалануға беру қарастырылған», - деді ол.
Қ.Бишімбаевтың айтуынша, бүгін 2016 жылы берілетін 240 мың шаршы метр үйдің құрылысы жүруде.
«Республикалық бюджеттен қарастырылған қаржы мен арендадан қайтқан қаржы қажетті көлемді енгізуге мүмкіндік береді», - деді ол.
Индира Кауметова
