• Басты
  • ҚР ҚК болашақ авиаторлары Тәуелсіздік күніне орайластырылған спартакиадада алғашқы болды (ФОТО)

ҚР ҚК болашақ авиаторлары Тәуелсіздік күніне орайластырылған спартакиадада алғашқы болды (ФОТО)

8 Желтоқсан, 2015 20:43
Қазіргі уақытта әскери тәрбие берудің маңызды және ажырамас бөлігі ретінде офицерлер корпусы, курсанттар, келісімшарт бойынша әскери қызметшілердің дене тәрбиесіне үлкен көңіл бөлінуде, деп хабарлады Қорғаныс министрлігінің баспасөз қызметі.

Қарулы Күштердегі спорттың әскери-қолданбалы түрлері жеке құрамды жауынгерлік даярлау тұрғысында үнемі негіз болып табылады. Ақтөбе қаласында Қазақстан Республикасының Тәуелсіздік күніне орайластырылған спартакиада өз мәресіне жетті.

Оған Әуе қорғанысы күштері Әскери институтының курсанттары белсене атсалысты. Спартакиада  «Жүз мың мәрте бұлшық етті қатайту» акциясынан басталды. Оның мәні өңірдегі спорт пен салауатты өмір салтын дамытуға бағытталған. Әскери институттан белсенді курсанттар мен әйелдер кеңесінің өкілдері қатысты. Конкурсанттар қаптарда жүгірді, арқан тартты және әртүрлі жүгіру эстафеталарында бақ сынасты.

Ұшу батальонының 4-курс курсанты Жаслан Бақбергенов өзінің қарсыластарын екі есе озып өтіп, екі минут ішінде 16 келілік гір тасын 98 рет көтергенін айта кеткен жөн. Сайыс қорытындысы бойынша Әуе қорғанысы күштері Әскери институтының командасы жалпы командалық бірінші орынды алды. Жеңімпаздарға алғас хат табыс етілді.

 

Барлық жаңалықтар