Жас қазақстандықтың мобильдік қосымшасы 2,5 айда 135 мың тіркеуші жинады

8 Желтоқсан, 2015 15:36

Дидара Пернебаева Қытайдағы университеттердің бірінде халықаралық бизнес және менеджмент факультетін тәмәмдады. Бүгінде ол, Н.Назарбаев университетінің 2 курс студенті және Қазақстандағы танымал «Kelin» мобильді қосымшасын жасақтауды. Дидараның қосымшасы қазақстандық AppStore топ-чартында жүктеп алу көлемі бойынша бірінші орында тұр, сонымен жас қазақстандықтың мобильді қосымшасы 2,5 айда 135 мың тіркеуші жинап үлгерді. Ағымдағы жылы «Даму» қоры Д. Пернебаеваны «Үздік жыл стартапы» номинациясында марапаттады.

«Kelin» -бұл қазақстандық қыздарға арналған әлеуметтік желі, онда олар қазақ ұлттық асханасындағы тағамдарды дайындау әдісімен таныса алады және отбасында өзін-өзі ұстау, түрлі сұрақтар бойынша кеңестер ала алады. Қосымша аудиториясына 18-45 жас аралығындағы қыз келіншектер кіреді. Ол 2015 жылдың 28 шілдесінде ғаламторда пайда болды.

«Мен «Kelin» деп аталатын қосымшаны жасақтадым, ол болашақ және бүгінде келін болып отырған қыз-келіншектерге арналған. Бар-жоғы 2,5 айда оған 135 пайдаланушы тіркелді. Бастапқыда қосымша AppStore-да пайда болды, кейін тек қазан айында ғана андроидқа шықты. Бүгінде қосымшаны PlayMarket пен AppStore-дан жүктеп алуға болады. «Kelin» - ол менің алғашқы стартапым. Мен оның аясында ақша табуды көздеген жоқпын, деп қазақстандық қыздарға көмектескім келді», - деді Д. Пернебаева.

Дидараның айтуынша, қосымша алғашқы күннен бастап-ақ танымал бола бастады.

«Мен бұл қосымшаны жасақтау үшін 2 ай бойы таңғы 8-ден кешкі 7-ге дейін жұмыс істедім. Менің бұған салған инвестициям – уақыт және күш жігер. Біздің жоспарымызда аталмыш қосымшаны Қазақстаннан тыс аумақта одан ары дамыту бар. Себебі бізге Қырғызстаннан және Башқұрстаннан жас қыздар жазуда», - деді ол.

«Бүгінде біз қосымшаның екінші нұсқасын дайындаудамыз, оның интерфейсі өзгертіледі және жаңа котегориялармен толықтырылады. Солардың бірі әйел денсаулығы болмақ», - деді автор.

Индира Кауметова

Фото Азамат Әлиев

Барлық жаңалықтар