Ақтөбеде 13 млрд теңгенің 6 мың мүлкі жария етілді
8 Желтоқсан, 2015 15:03
Мүлікті жария ету Заңының 2016 жылдың 30 желтоқсанына дейін созылуына байланысты комиссия құжаттарды қабылдау және қарау жөніндегі жұмысын жүргізуде, деп хабарлады Ақтөбе ІСБ.
Қала әкімдігі жанындағы мүлікті жария ету комиссиясының хатшысы Айгүл Баймашованың 2015 жылдың 4 желтоқсанындағы ақпаратына сәйкес комиссияға 3893 арыз келіп түсті, оның ішінде саябақша үйлерін, жеке тұрғын үiйлерді, қосымша құрылыстарды жария ету бойынша.
Келіп түскен арыздардың ішінде, 908 арыз қайтарылды, 2821 арыз бойынша объектілер комиссияда қаралып, жария етілді, ал 4 арыз бойынша жария етуден бас тартылды, 160 арыз қаралуда. 13 млрд теңгеге 5822 мүлік жария етілді.
