Елбасының Жолдауы – заманауи өміршең құжат – Т.Абдин
«Оған қоса жаңа мыңжылдықтағы жаһандану дәуірінде, әлемді дендеген дағдарыс пен аласапыран беймаза кезеңде тәуелсіз елдің тыныштығын, халықтың амандығын бірінші кезекке қою арқылы халықаралық қарым-қатынастың реттеліміне жіті мән беріп отыр. Бәрі де, түптеп келгенде, алыс-жақын шет елдермен дәстүрлі тату көршілігімізді, барша мемлекеттермен ата-бабамыздан бойымызға дарыған бейбіт қарым-қатынасты, ынтымақ-бірлікті жақтайтын ел екенімізді паш ететін қадам», - деді ол.
Оның айтуынша, индустрияландыру кезеңі, отандық өндірісті, экспорттық әлеуетімізді нығайту мақсаты, 2017 жылға межеленген мәртебелі ЭКСПО көрмесіне тыңғылықтың даярлығымыз Қазақстанды бар әлемге танытудың, мәртебесін асқақтатудың бірден-бір жарқын үлгісі болмақ.
«Келесі 2016 жылы осы межелі игі шара барлық қазақстандықтыар тарапынан қызу қолдау табатыны, ойға алынған ісіміздің ынтымақ-бірлікпен сәтті еңсерілетініне еш күмәніміз жоқ», - деді ардагерлер кеңесінің төрағасы.
«Әлеуметтік мәселенің оң шешімі, түрлі көздерден төленетін, тиісті шамасы өз ретімен жылда өсіріліп жатқан зейнетақы мен жәрдемақы да, мемлекеттік бағыт-бағдарламалар да, халықтың тұрмысын, демографиялық ахуалды жақсартуға, отбасының әлеуетін нығайтуға оңынан септесіп келеді», - деп толықтырды ол.
«Жаңа Жолдаудың да жасампаз ел игігілін, Отанымызды гүлдендіруді көздейтін заманауи өміршең құжат болатынына, тиісті бағыттары аясында атқарылып жатқан барлық игі іске баршаның көңілі толатынына біз, ереймендіктер, нық сенімдіміз», - деді Т.Абдин.
