Нұрсұлтан Назарбаев халықаралық деңгейдегі көшбасшы болып табылады – Финляндия елшісі

8 Желтоқсан, 2015 09:47

ҚР Президенті Нұрсұлтан Назарбаевтың Қазақстан халқына Жолдауы Республикадағы тұрақтылықты қамтамасыз етеді, деп ағынан жарылды Финляндия Респуликасының төтенше және өкілетті елшісі Илкка Рэйсэнен «Strategy2050.kz»АА берген эксклюзивті сұхбатында.

«ҚР Президенті Нұрсұлтан Назарбаев тек сіздердің елдеріңізде ғана емес, сонымен қатар халықаралық деңгейдегі көшбасшы болып табылады. Ол жаһандық қауіпсіздікті нығайтуға ұмтылып отыратын саясаткер. Ол кез-келген қақтығыстарға түбегейлі қарсы. Барлық халықаралық деңгейдегі келіссөздерде Нұрсұлтан Назарбаев қақтығыстарды реттеуге қол ұшын созуға дайын екенін ждеткізеді. Ол барлығын жақсы түсінеді және біледі. Тағы бір қайталап айтамын Нұрсұлтан Назарбаев халықаралық деңгейдегі ұлы көшбасшы», - деді Илкка Рэйсэнен.

Сонымен қатар, дипломат Жолдаудың әлеуметтік бөлімін маңызды бөлігі ретінде атап өтті.

«Менің ойымша бюджет қаржысына қатаң бақылау орнатылатыны өте орынды айтылды. Ол тұрақтылықты сақтап қалу үшін керек. Алайда адамдар лайықты жалақы алатын болады және тыныш өмір сүреді. Әрине бұл тұрақтылықты береді. Менің ойымша Қазақстан күллі Орталық Азияға үлгі бола алады. Жалпы қазақтар мен финдердің арасында ұқсастық бар. Біз бір бағытта ойлаймыз», - деп өз ойын түйді скандинавиялық мемлекеттің ресми өкілі.

Данияр Қасымов

Барлық жаңалықтар