5 армиялық спортшы Рио-де-Жанейрода өтетін Олимпиадаға аттанады

8 Желтоқсан, 2015 09:13

Бүгінгі таңда ҚР ҚМ Армия орталық спорт клубының 5 армиялық спортшысы 2016 жылы Рио-де-Жанейрода өтетін Олимпиада ойындарына жолдама алған иегерлер болып табылады, деп хабарлады Қорғаныс министрлігінің баспасөз қызметі.

Олардың ішінде қазақстандық жеңіл атлетші ҚР ҚМ АОСК-ның капитаны Ольга Рыпакова, жеңіл атлетші ҚР ҚМ АОСК келісімшарт қызметінің қатардағы жауынгері Михаил Красилов, былғары қолғап шебері ҚР ҚМ АОСК-ның аға сержанты Біржан Жақыпов, ҚР ҚМ АОСК-ның спортшысы Юрий Юрков – оқ ату және 3-сыныпты сержант Евгений Алексеев – байдаркаларда есу.

Олимпиада басты сайыс болып табылады. Оған қатысуға барлық спортшылар дайындалады және талпынады. Алдағы Олимпиадалық ойындарға лицензияны армиялық спортшыларымыз халықаралық жарыстарда сәтті өнер көрсетуінің арқасында қол жеткізді. Бұл жолдамалар әскери қызметшілердің кәсіби тұрғыда өсуінің, спорттық шеберлігі мен жалпы алғанда қазақстандық әскери спорттың өркендеуінің дәлелі болып табылады.

Бүгінде ҚР Қорғаныс министрлігінің Армия орталық спорт клубында әлемдік турнирларда өздерінің көптеген жеңістерімен қазақстандық спорттың деңгейін асқақтатып жүрген дарынды спортшылар қызмет ететінін айта кеткен жөн.

Барлық жаңалықтар