Астанада балаларға арналған жаңа анимациялық сериал таныстырылды

«Жандос және оның достары» мультфильмінің сценарийсі Ринат Сүлейменовтың айтуынша, бұл туындының басты мақсаты 5 жасқа дейінгі баларды қазақ тіліне үйрету болып отыр.

«Бұл мультфильм барлық қазақстандық балаларға қазақ тілін және қазақ тарихын үйрететін ер бала туралы болмақ. Сюжет өте қызықты, ол баланы экран алдында сериалдың соңына дейін ұстап отыруға мүмкіндік береді», - дейді ол.

«Жандос және оның достары» анимациялық сериалы ҚР Мәдениет және спорт министрлігінің тапсырысы бойынша түсірілген. Фильмді әзірлеуге филологтар, режиссерлер және белгілі актерлер де атсалысыпты.

«Бүгінде мектепке дейінгі жастағы балаларды теледидар алдында ұстап отыру қиын. Сондықтан жаңа мультсериалдың балаларды фильмнің соңына дейін экран алдынан жібермейтін өз жаңалығы болады. Сериалдың әрбір шығарылымның өзге эпизодтармен байланысы жоқ басы және соңы болады», - дейді «SANA Media» ЖШС директоры Құралбек Атамұратов.

Жалпы, бұл тележоба 50 бөлімнен тұрады және әрбірі нақты тақырыпты қамтиды. Әр серияның уақыты - 7 минут. «Жандос және оның достары» мультфильмі 2016 жылы «Балапан» арнасында жарыққа шығады.