Қазпочта «Аяз Атаға хат жаз» акциясын іске қосты

Компания хабарлағандай, қазіргі таңда, барлық облыстық орталықтардың почтамттарында, сонымен қатар Астана, Алматы және Ақтөбе қалаларының «Мега» сауда, ойын-сауық орталықтарында Аяз Атаға хат жіберуге арналған жәшіктер орнатылған.

«Өткен жылы, біз әртүрлі өтінішпен мыңдаған хат қабылдадық. Біреуі жаңа смартфон сұраса, басқасы көптен бойы кәмпит жемегенін жазады. Балалармен қатар, киім мен тағам өнімдерін сұрайтын зейнеткерлер де хат жазады. Спонсорлардың көмегімен және өзіміздің күшімізбен, балалар мен басқа да ниет еткен адамдардың армандарын орындаймыз. Осы жылы, қолдау өтінішіне «Казахинстрах» СК, Beeline Kazakhstan және «Oyla» журналы атсалысты. Сонымен бірге, өңірлердегі кіші және орта бизнес өкілдері көмек қолын беруде. Біреудің арманын орындап, Жаңа жыл алдындағы сыйқырдың бар екенін дәлелдеу біз үшін өте жағымды әрекет» - деп Байрам Азизов, «Қазпочта» АҚ баспасөз қызметінің жетекшісі бөлісті.

20 желтоқсанда хаттарды қабылдау тоқтатылады. Барлық хаттар «Қазпочта» АҚ бас кеңсесінде жиналып, сұрыпталғаннан соң, серіктестер мен компания өкілдерінен тұратын арнайы комиссия сыйлықтарды таңдайды. Біріншіден сыйлықтарды әлеуметті қорғалмаған, осалды және табысы аз тұрғындардың балалары, жетімдер алады.

Хаттар өңделгеннен кейін, сыйлықтар еліміздің өңірлеріне және филиалдарға жіберіледі. Сыйлықтарды Аяз Ата мен Қаршақыз болып киінген компания мен серіктестердің қызметкерлері, БАҚ өкілдері тапсырады.

Сыйлықтармен бірге, Аяз Атаның құттықтау сөздері жазылған әдемі хаттар табысталады. Ол үшін, балалар өз мекенжайын жазуды ұмытпау керек.