Баешев : Жолдаудың басты маңызы – қазақстандықтарды біріктіретін күшке ие болуында

«Таяудағы жылдар жаһандық сынақтардың уақыты болады. Осы сынақтан өту үшін , Жолдауда жүктелген тапсырмаларды табысты орындау үшін бар тәжірбиемізді, білімімізді жұмсауымыз керек. Бабаларымыз айтқан бір жеңнен қол, бір жағадан бас шығаратын шақ осы деп білемін», - еді ол.

«Жастар еліміздің әлеуметтік, эканомикалық және қоғамдық өмірдің барлық салаларына қатыстылығы жағынан алғанда, болашағы зор қоғамның маңызды бөлшегі. Қазіргі таңда жаңа көзқараспен қарайтын жалынды жастардың еліміздің жаңару үдерістеріне белсене қатысып келеді. Еліміздің бүгінгі  жастары  жаңа жағдайда заманауи мемлекеттің жасап жатқан сындарлы саясатының арқасында алысқа қол сермеп, әлемдік деңгейдегі ұстанымды игеріп, келешектің кілтін өз қолдарына алуда», - деді Н.Баешев.

Оның айтуынша,  әрбір қазақ жастары өздерін ұлтжандымын деп ұғынып,өн бойларында ұлттық намысын жоғары қою керек. Еліміздің  бейбітшілік  аспанында  қазақ жастары  тәуелсіз елдің айқын  мақсаттарымен  жігерленіп, тек қана алға ұмтылуға жұмыс жасаймыз. Ел сенімін, үмітін ақтау-жастардың  қолында.