Ақмола облысының 500 мың га жуық алқабы ерекше қорғалатын табиғи аймаққа жатады

Естеріңізге сала кетейік, ерекше қорғалатын табиғи аймақтарға мемлекеттік қорықтар, ұлттық табиғи парктер, мемлекеттік аймақтық парктер,  мемлекеттік жануарлар парктері, мемлекеттік ботаниқалық бақтар және мемлекеттік табиғи ескерткіштер жатады.

Ақмола облысының жерқатынастары басқармасының мәліметі бойынша, аймақтың 472,2 мың га жуық алқабы немесе жалпы ауданының 3,2 % ерекше қорғалатын табиғи аймаққа жатады.  

Өңірдің туристік кластері бай табиғи ресурстарға ие, олар: «Бурабай», «Бұйратау» ұлттық табиғи парктер, сонымен қатар ЮНЕСКО-ның табиғи құндылықтар тізіміне енгізілген Қорғалжын мемлекеттік қорығы.

Жаңа құрылған «Бұйратау» ұлттық бағы шамалы құрғақ пен құрғақ жерлер суб-зоналар арасында ауыспалы белдікте орналасқан және бұл аумақтың қайталанбас мәні далалы жерлер мен орманды жерлердің (қайың, қыршаңқы) үйлесіп келуінде. «Бұйратау» бағы Ақмола облысы Ерейментау ауданы (60814 га) мен Қарағанды облысы Осакаров ауданы (28154 га) аумағында орналасқан. Оның жалпы ауданы 88 968 га..

Ал,  «Бурабай» мемлекеттік табиғи ұлттық паркі 2000 жылы тамызда құрылды. Бурабайдың әрбір қия тасына аңыздар негізінде және бейне ерекшелігіне қарай ат қойып отырған: Оқжетпес, Жұмбақтас. «Жұмбақтасты» бір қырынан қарасаң – бұрымды жас қызға балайсың, екінші қырынан қарасаң - орамал тартқан келіншекке балайсың, үшінші қырынан қарасаң – бетіне әжім түскен кемпірге балап таңқаласың.

Бурабай көлдеріне Бурабай, Шортанды, Үлкен Шабақты, Кіші Шабақты, Қотыркөл жатады. Сонымен қатар, Сары-арқаның, Көкшетау тауларының аралығында бір-біріне жақын орналасқан ұсақ көлдер тобы бар. Олар суының тазалығымен ерекшеленеді.