• Басты
  • С.Кулагин: Бейбітсүйгіш және бірыңғай халқы бар Қазақстанды жарқын болашақ күтіп тұр (ФОТО)

С.Кулагин: Бейбітсүйгіш және бірыңғай халқы бар Қазақстанды жарқын болашақ күтіп тұр (ФОТО)

7 Желтоқсан, 2015 16:39
Ақмола облысында ҚР Президенті Н.Назарбаевтың «Қазақстанда жаһандық ахуалда: өсу, реформа, даму» атты Жолдауын талқылау бойынша облыс активінің отырысы өтті.

«Мемлекет басшысы атап өткендей алдағы жыл, одан кейінгі жылдар оңай болмайды, сондықтан, «Біріміз бәріміз үшін, бәріміз біріміз үшін» деген қағиданы ұстанып, барлық бағыт бойынша бірлесе еңбек етуге тиіспіз», - деп атап өтті облыс әкімі өз сөзінде.

Облыста халықаралық қаржы институттарынан қаражат тарту үшін резервтер мол. Бұл бағытта Көкшетау қаласында ЖЭО құрылысын салу үшін израилдік компания арқылы (126,4 миллиард теңге), ТКШ саласында 8 жобаны жүзеге асыру үшін Еуропалық қалпына келтіру және дамыту банкі арқылы (27,9 миллиард теңге), Жарқайың ауданындағы Масальск темір рудасы кен орнында металлургиялық комбинаттың құрлысы үшін Қытайдың Эксим банкі арқылы (274 миллиард теңге) инвестиция тарту қарастырылған.

«Біз облыстың географиялық жағынан Елордаға жақын орналасқанын ескере келе, Астана қаласы айналасында өндірісті және транспорттық логистиканы дамыту үшін инвестиция тартудың барлық мүмкіндіктерін пайдалануға міндеттіміз», - деді облыс әкімі.

Баяндамашы мен жарыссөзге шығушылардың барлығы Елбасы Нұрсұлтан Назарбаевтың Қазақстан халқына арнаған Жолдауында айтылған міндеттерді бір ауыздан қолдайтынын жеткізді. Осы орайда,  облыс әкімі Сергей Кулагин Жолдауда туындаған кейбір міндеттер бойынша нақты тапсырамалар берді.

Шараны қорытындылаған облыс әкімі Мемлекет басшысының алға қойған міндеттерін орындауда атқарушы органдар қызметінің негізгі бағыттары айқындалғанын тағы бір рет ескертіп өтті.

Барлық жаңалықтар