Б.Сапарбаев: Қазақстанда қиын кезеңде де мұғалімдердің жалақысы көтерілуде

«Мемлекет басшысы білім беру саласына үлкен көңіл бөліп келеді. Қандай қаржылай қиындықтар болсада бізде әрқашан жалақы көтеріліп келді. Егер естеріңізде болса 2007-2009 жылдар аралығында жалақы жыл сайын 25%-ға көтерілді. Енді осындай мемлекеттердің атын атаңыздаршы, егер олар болса да санаулы ғана шығар», - деп атап өтті облыс әкімі.  

Аймақ басшысы еске салып өткендей, БАҚ-та Қазақстанда сұраныстың азаюына байланысты өндіріс көлемі төмендеді және сәйкесінше салық түсіміде кемігені хабарланған болатын. Осыған қарамастан Елбасы 2016 жылдың 1 қаңтарынан бастап бюджет саласының қызметкерлеріне жалақыны 28-ден 40%-ға дейін арттыру туралы шешім қабылданды.

Кездесу барысында мұғалімдер мен білім беру саласының өзгеде қызметкерлері өз сұрақтарын Б.Сапарбековке тікелей жолдай алды. Әркімнің тілегі мен өтінішін тыңдаған аймақ басшысы бәріне жауап қайтарды.

«Бастысы – біз барлығымыз бірлесіп, өзара келісе отырып және үлкен жауапкершілікпен жұмыс істеуіміз керек. Біз білім саласында шешілмеген түйіткілдерді қатаң бақылауға аламыз. Сонымен қатар жылыту үшін арнайы пеш жағылатын мектептердің проблемасын шешуге қаржы табамыз», - деді Б. Сапарбаев.

Кездесу соңында облыс әкімі мектеп директорларының назарын білім ошағының ауласын абаттандыру жұмыстарына аударды.