Жұмыс істеп жатқан 140 инвестициялық жобаның 60%-дан астамы ҮИИД МБ бірінші бесжылдығында жүзеге асырылған
7 Желтоқсан, 2015 11:06
Қазіргі таңда Қазақстанда қайта өңдеу саласында 140-тан астам шетелдік инвесторлар жұмыс істеуде. Олардың 60%-дан астамы өздерінің жобаларын ҮИИДМБ бірінші бесжылдығында жүзеге асырған, деп хабарлады «KAZNEX INVEST» АҚ басқарма төрағасының орынбасары Қайрат Қарманов есептік баспасөз конференциясында.
«Қазіргі таңда Қазақстанда қайта өңдеу саласында 140-тан астам шетелдік инвесторлар жұмыс істеуде. Жалпы, олар барлығы 150-ден астам жобаны 6 млрд долларға жуық қаражатқа жүзеге асырды және 20 мыңнан астам жұмыс орнын құрды», - деді Қ.Қарманов.
Нәтижесінде жұмыс істеп жатқан 140 инвестициялық жобаның 60%-дан астамы ҮИИДМБ бірінші бесжылдығында жүзеге асырылды.
Бұдан басқа, ол атап өткендей, 2015 жылдан бастап агенттік қайта инвестициялаумен белсенді айналасып келеді.
«Қайта инвестициялау – бұл жұмыс істеп жатқан инвестордың инвестициясы, яғни өз қызметін жүзеге асыру барысында тапқан табысын жаңа жобаны жүзеге асыруға құюы»,- деп толықтырды ол.
Ботагөз Айтжанова
