• Басты
  • Астанада жаңа жылдық қайырымдылық жәрмеңке өтті (ФОТОРЕПОРТАЖ)
7 Желтоқсан, 2015 15:21

Астанада жаңа жылдық қайырымдылық жәрмеңке өтті (ФОТОРЕПОРТАЖ)

Астанада жаңа жылдық қайырымдылық жәрмеңке өтті, шарадан жиналған қаржы қайырымдылық ұйымдарға бағытталатын болады.
Астанада жаңа жылдық қайырымдылық жәрмеңке өтті (ФОТОРЕПОРТАЖ)

Қазақстандағы шетелдік елшілердің жұбайлары жаңа жылдық жәрмеңкені сегізінші рет өткізіп отыр. Бұл дәстүрге айналған шара. Жәрмеңкеде әр елдің кәдесыйлары сатылды. Ерекше сұранысқа фин пышағы, ежелгі египет Құдайларының мүсіндері, Моңғолиядан жеткен қолөнер бұйымдары ие болды.

Сондай-ақ, шарада әр түрлі тағамдардан дәм тату ұйымдастырылды, мәселен, француз шарабы, венгер шұжығы,  неміс сырасы және т.б. Жәрмеңке қонақтарына кәсіптік ұжымдар мен әр түрлі елдің ұлт өкілдерінің концерті ұсынылды. 

Мәселен, Грузиядан арнайы осы шараға шақырылған толық бір ансамбль өнер көрсетті.

«Жыл санап қайырымдылық жәрмеңкенің қатысушылары өсуде. Аталмыш жәрмеңкеге 52 елшілік пен 20 халықаралық ұйым қатысуда. Барлық табылған қаржы қайырымдылыққа бағытталады. Бұл әлеуметтік аз қорғалған халыққа көрсетілген қолдаудың бірі. Біз бұл шараны кеңейтуді жоспарлап отырмыз, әсіресе жетім балалар қатынасына байланысты», - деді Қазақстандағы елші жұбайлары клубының төрайымы Софья Бакуридзе.

Өткен жылы жаңа жылдық жәрмеңке 19 млн теңге жинады. Бұл қайырымдылық шара үшін әлдеқайда қомақты қаржы. Осы жылы жәрмеңке одан да көп жинауы мүмкін.

Данияр Қасымов

Суретке түсірген  Азамата Әлиев

Барлық жаңалықтар