Президенттің Жолдауы-Қазақстанның мемлекет ретінде қуатын арттыра түсетін басты құжат - ЕҰУ студенті

Студент атап өткендей, қарашаның 30-жұлдызында Қазақстан Республикасының Президенті Н.Ә.Назарбаевтың Қазақстан халқына  жыл сайынғы «Қазақстан жаңа жаһандық нақты ахуалда: өсім, реформалар, даму» атты  Жолдауын көпшіліктің назарына ұсынды.

«Санаулы күндерден кейін біз азаттық туын желбіретіп, Тәуелсіз Мемлекет атанғанымыздың 25 жылдығына аяқ басамыз.  Тәуелсіздікті нығайту, баянды ету жолында елабасымыз осы жылда бағындырған белестерді қортындылай келе, келер жылға мақсат қойып, сол мақсатқа жетудің амалдарын жолдауында атап көрсеткен», - деді студент.

«Сәт сайын құбылған аласапыран заманға сай амал болуы керек. Ең жақсы жоспар – уақыт талабына бейімделе алатын жоспар. Біздің алға қойған мақсатымыз - заманның беталысына қарай межелерімізді белгілеп, жоспарларымызды жөндеу, елі бақытты, жері гүлденген қасиетті Отанымыз Қазақстанның мәртебесін асқақтату», - деді Т.Данияр.

Оның айтуынша, келешегі кемел Нұрлы Жолда бірлігімізді бекемдеп, аянбай тер төгу  қажырлы еңбекті қажет етеді. Қиындық атаулыны жеңетін бір-ақ күш бар, ол – бірлік. Еліңді, жеріңді қорғау үшін бірлік қаншалықты қажет болса, тәуелсіздік жемістерін, бүгінгі қол жеткен табыстарымызды сақтап қалу үшін де ол сондай қажет.

«Қазақстанның мемлекет ретінде қуатын арттыра түсетін басты мақсат-мұраттарға негізделіп жасалады. Олардың әрқайсысы өзіндік бір мақсаттарға бағытталып, белгілі бір жүйемен және оларды жүзеге асыру талаптарымен нақтылы құрылады. Елбасы Жолдаулары - Қазақстанда жүргізіліп отырған саяси, әлеуметтік-экономикалық реформаларды тереңдету бойынша, халықаралық қауымдастықта Қазақстанның рөлі мен орнын бекіту, оның саяси беделін арттыруға бағытталған еліміздің жалпы дамуын айқындайтын басты стратегиялық құжаттар болып табылады», - деп түйіндеді  ол.