• Басты
  • Әзірбайжан ЭКСПО-2017-ге қатысу туралы шартқа қол қойды (ФОТО)
5 Желтоқсан, 2015 15:04

Әзірбайжан ЭКСПО-2017-ге қатысу туралы шартқа қол қойды (ФОТО)

ҚР сыртқы істер министрінің бірінші орынбасары - «ЭКСПО-2017» комиссары Рәпіл Жошыбаев Әзірбайжанға жұмыс сапармен барды.
Әзірбайжан ЭКСПО-2017-ге қатысу туралы шартқа қол қойды (ФОТО)

Кездесу Қазақстан мен Әзірбайжанның энергетика министрлері Владимир Школьник пен Натиг Әлиевтың төрағалығымен өткен экономикалық ынтықмақтастық бойынша 12-ші қазақстандық-әзірбайжандық үкіметаралық комиссияның отырысы аясында өтті, деп хабарлады ҚР СІМ

Бакуде Р. Жошыбаев Әзірбайжанның энергетика миинистрі, ЭКСПО-2017-дегі ұлттық секцияның комиссары Натиг Әлиевпен және сыртқы істер министрінің орынбасары Халаф Халафовпен кездесті.

Кездесу барысында «ЭКСПО-2017» шеңберіндегі болашақтағы ынтымақтастық бойынша пікір алмасылды, қатысудың техникалық мәселелері талқыланды.

«Кездесу қорытындылары бойынша Әзірбайжанның Астанада өтетін «ЭКСПО-2017» халықаралық мамандандырылған көрмесіне қатысуы туралы шартқа қол қойылды», - делінген хабарламада.

Естеріңізге сала кетейік, бүгінде 55 елден және 13 халықаралық ұйымнан қатысу туралы ресми растаулар алынды, 18 қатысу шартына қол қойылып, 30 секция комиссарлары тағайындалды.

Барлық жаңалықтар
3.237.254.197, 192.168.88.100